tg-me.com/yasralardy/1419
Last Update:
#قصائد_منبريه
#استشهاد_الامام_الحسن_العسكري_ع
اساسيه
امامي وروحي تحتاج الضوه
امامي الهوه وانت سوه
يالعسكري يالعسكري
.....................................
أستعد لحروف اسمك من تمر بشفاف الايام
واذكر ايامك يغالي وابجي دم بدموع الايتام
المثلك منين واجيبه سيدي حته بالاحلام.
نعمة الله انت وجودك خيرك ايعلمني الاسلام
غرامي وانت لجروحي دوه
امامي الهوه وانت سوه
يالعسكري يالعسكري
.....................................
عاصرت ناس التشوفك شمس مارادو ضواكم
رادو الظلمه وجهلهه غيمه وتدور ابسماكم
سيدي وماشفتو راحه ساعة النصبو عداكم
جوهره ودره ثمينه للأسف محد شراكم
سلامي وي عشك روحي انطوه
امامي الهوه وانت سوه
يالعسكري يالعسكري
.....................................
شاب ماشفت ابحياتك لحضه والله من السعاده
عايش امصايب قديمه اوياك اجت من الولاده
جم امام وجم موالي بالظلم نال الشهاده
وانت اخرهم تسمم وانختم بالسم جهاده
كلامي بي احس كَلبي انجوه
امامي الهوه وانت سوه
يالعسكري يالعسكري
.....................................
تمشي واخلافك مغيّب يبقه للهم والمصايب
المهدي عايش حزنه بعدك شلون زينب بالخرايب
تنسبي ومجروحه تسمع شتم اهلهه من النواصب
بعد عين حسين اخوهه والكَمر شافت عجايب
يضامي ابنك بحزنه ارتوه
امامي الهوه وانت سوه
يالعسكري يالعسكري
.....................................
تندفن وانفاسي ضاكت واني سامع بس روايه
ساعد الله المهدي بيده دافنك جن آيه آيه
مو عمر ميت شبابك والله مو وكت المنايه
بس عدوك راد موتك عنده بيهه جان غايه
يضامي عطش روحك نينوه
امامي الهوه وانت سوه
يالعسكري يالعسكري
الشاعر
ياسر العارضي
BY الشاعر ياسر العارضي
Warning: Undefined variable $i in /var/www/tg-me/post.php on line 280
Share with your friend now:
tg-me.com/yasralardy/1419